Абдугофир Камалов - Abdug'ofur Kamalov

Joziba guruhi honandasi Abdug’ofur Kamalov 1976-yil 23-iyulda Toshkent shahrida san’atkorlar oilasida tug’ilgan.

1986-yildan 1993-yilgacha “Glier” nomidagi Respublika maxsus musiqa maktabida o’zbek milliy chiolg’u asboblaridan g’ijjak sozi bo’yicha tahsil olgan va u yerni a’lo baholarga bitirib 1995-yildan 1996-yillarda O’zbekiston Qurolli Kuchlari ashula va raqs ansanblida o’z yigitlik burchini ado etgan.

1998-yili 17-dekabrda “JOZIBA” guruhi tashkil qilingan. Shu yillar mobaynida 6ta albom chiqarishga ulgurgan. Bular ”Otajon”, Qadrdonlik”, “Nigorim”, “Zakovot”, “Bedor kechalar”, “Kelmading”, “Sen uchun azizam” va boshqa qo’shiqlarni o’z ichiga olgan.

Joziba guruhi 2001-yil o’z yakkahon konsertini muhlislarga havola etgan. O’zbekiston Respulikasini turli tadbirlarida o’z xizmatini ayamay ishtirok etib kelmoqda. Abdug’ofur Kamalov Nizomiy nomidagi pedagogika universitetining “Musiqa” yo’nalishi bo’yicha tahsil olgan. Hozirda O’zbekiston Qurolli Kuchlari ashula va raqs ansanblida honandalik vazifasini o’tab kelmoqda va u yangi-yangi taronalar ustida tinimsiz ishlab ijod qilmoqda.